Loading...

الـ هالووين – أكتر 5 مواقف بنخاف منها في مصر!

الـ هالووين – أكتر 5 مواقف بنخاف منها في مصر!

يمكن اكون بتكلم عن تجربة شخصية لشاب داخل على الـ 30، بس اعتقد إن جزء كبير من الجيل ده وحتى لحد مواليد 93 مش هتلاقيه مقتنع أوي بالاحتفال بالـ هالووين! مش عشان حاجة غير إننا اتربينا على حاجات تانية تخوف زي امنا الغولا وابو رجل مسلوخة! ولما كبرنا وعرفنا إنها خرافات بقينا ع الاقل بنفتكر خوفنا منها واحنا صغيرين بس.

الأخطر من كده بقى هي الحاجات إللي لسة واحنا كبار كده ومحترمين لسة بنخاف منها! وإللي جاي 5 حاجات يمكن تكون بتخوف جزء كبير من الجيل ده، شوفوها كده وسيب كومنت عن الحاجات إللي بتخوفك انت:

1- كلاب الشوارع!

تبقى ماشي في حالك وفجأة تسمع (زمجرة) كلب بتطلع مرة واحدة من تحت عربية مردومة تراب، أو تبقى راجع بالليل من سهرة حلوة وتلاقي صف كامل من الكلاب عامل كمين ومستنيك في آخر الشارع. وهنا بتبقى عارف إنك ع الأقل هتتهز من جواك بغض النظر عن إنك ممكن تفضل إنك ترجع مكان ما كنت ويا دار ماخلك شر.

2- مواجهة ماما!

resize

في مواقف كتيرة مرينا بيها مع الام المصرية بتخلينا نعيد حسابتنا أكتر من مرة قبل ما نتكلم معاها او نعرفها مصيبة جديدة احنا عملناها، أخطر مواجهة دايماً بتكون لو قربت من دولاب البطولات والانجازات والميداليات الاوليمبية إللي جوه البيت (النيش). ساعتها ممكن تلاقي شبشب طاير من اخر الشقة راشق في وسط راسك. أو مثلاً مواجهة النتيجة (ثانوية عامة بالتحديد) وفقرة عبلة كامل التاريخية لما تقول قداك درجات قرايبك وجيرانك وولاد صحابها في الشغل.

3- الخوف من التارجت

John Travolta GIFs - Find & Share on GIPHY

بردو حاجة متعلقة بالجيل ده شوية وهي (الحداقة) أو بمعنى تاني الفهلوة، إللي استمرت معانا حتى واحنا في الشغل، الحداقة إللي كنا بنعملها ايام المذاكرة إننا منذاكرش طول السنة ونلم المنهج كله في آخر شهر، كذلك في الشغل! بتلاقي كتير مننا مستني آخر الشهر عشان يعمل التارجت بتاعه ويقفله، بس المشكلة إن في اوقات كتيرة الجون مش بيجي في آخر لحظة! حضرتك مش عماد متعب بردو.

4- الراجل إللي بيقتل الكورة بالسكينة!

22555189_1660440033987847_2214499044799883535_n

في مشهد درامي معين عالق في ذاكرة كل الرجالة إللي كانت بتلعب كورة في الشارع وهي صغيرة، مشهد حزين وكئيب لما كانت الكورة بالغلط تجري بالتصوير البطئ ناحية صاحب السوبر ماركت (الرخم) إللي دايماً محضر السكينة عشان يقطع الكورة أو من وجهة نظرنا (يقتلها بدم بارد) عشان … يلا يا حبيبي كل واحد يلعب قدام بيته.

5- التلاجة الفاضية!

i1

احنا بنجوع الصبح اول ما نصحى، بالليل قبل ما ننام وفي أي وقت حضرتك! وفي ايام كمان بنصحى من النوم بس عشان نشوف التلاجة فيها ايه ناكله، وأكبر مخاوفنا في اللحظات دي إننا نتعشم في علبة ايس كريم ونفتحها نلاقي جواها مخلل! أو حلة كبيرة نفتحها نلاقي أكل بقاله اسبوع ناسيينه.

وغيرها كتير من المواقف إللي بتجبلك رعشة بسيطة في القلب وحزن ممكن يخليك تدمع! بس أحلى حاجة إنك ممكن تطلب أي أكل في أي وقت ومن غير رصيد ولا وجع قلب عن طريق ابليكيشن Otlob. والأحلى لما تلاقي عروض كتير ع الاقل فـ تاكل وتوفر.

حمل ابليكيشن (سواء كنت IOS أو Android):

https://goo.gl/LPme11

أو ادخل دلوقتي واختار الأكل اللي بتحبه من أقرب مطعم ليك:

https://goo.gl/7RX7ni

احنا مبنخافش من الـ هالووين!

Article Written By Team Otlob

Leave a Reply

Share this story