Loading...

5 اكلات الامهات بيفشلوا يعملوهم زى الشارع

5  اكلات الامهات بيفشلوا يعملوهم زى الشارع

الأكل اللى من الشارع فى قاموس الامهات هو اى أكل بتجيبه من أى مكان بره البيت .. مش مهم انت جايب الأكل منين ومدى جودته وطعمه وكل الكلام ده فى الاخر هو بالنسبة لأى أم مصرية أصيلة أكل من الشارع :D. اكلنا عارفين كويس ان مهما كانت امهاتنا احسن ناس بيعملوا أكل بس فى اكلات معينة مبيعرفوش يعملوها زى ما بندوق طعمها فى الشارع والمشكلة ان الامهات مبيعترفوش بالموضوع ده.

عشان كده قررنا نجمع أكتر 5 اكلات الامهات بيفشلوا يعملوها زى الشارع :

1- البيتزا :

بيتزا البيت بتقلب كيكة

طبعا الخلاف على الفرق بين البيتزا البيتى والبيتزا اللى بنطلبها من الخلافات التاريخية بين جي الأبناء وجيل الأمهات .. البيتزا اللى بنطلبها بتكون هى البيتزا العادية اللى متعودين عليها وبناكلها عشان بنحبها .. انما البيتزا اللى بتعملها الأمهات بتكون حاجة احنا مش فاهمينها وبناكلها كنوع من بر الوالدين مش أكتر 😀

لو نفسكوا تاكلوا بيتزا حالا تقدروا تطلبوا من أكتر من 60 مطعم بيتزا فى القاهرة من هنا :

http://goo.gl/yWYAfO

2- الكبدة و السجق :

عربية الكبدة

الكبدة والسجق بيعتبروا من المحظورات بالنسبة للأمهات وطبعا كلنا عارفين الأسباب المرتبطة بالنضافة و الكلام ده .. بس للأسف مهما امهاتنا اجتهدوا مبيعرفوش يطلعوا طعم الكبدة والسجق زى ما بناكلهم من على العربيات فى الشارع او من المحلات اللى بنحبها 

أطلب بيقدم أكتر من 70 مطعم شرقى فى القاهرة تقدروا تطلبوا منهم كبدة وسجق وأكل شرقى من هنا : http://goo.gl/YCVCEd

3- الكشرى : 

كشري

الكشرى من الأكلات اللى بحس ان الامهات لو خدوا دورة تدريبية فى أسس الكشرى والتقلية برضه عمره ما هيتعمل فى البيت زى مابيتعمل فى المحلات فى الشارع! :D. ممكن السبب فى التقلية او فى الصلصة او فى الدقة او فى كل حاجة مش عارف.

دلوقتى تقدروا تطلبوا كشرى أبو طارق ديليفرى من اللينك ده : http://goo.gl/vhlQUV

4- بطاطس ماك :

بطاطس ماك

مهما حاولنا نفهم امهاتنا الفرق بين بطاطس ماك والبطاطس اللى بتتعمل فى البيت مش هنعرف نوصلهم الفرق ده، للأسف بطاطس ماك ادمان من غير سبب مفهوم.

لو وحشتكوا بطاطس ماك ممكن تطلبوها حالا من هنا : http://goo.gl/VXvMPb

5- الشاورما :

الشاورما

انا عارف ان المقارنة بين شاورما البيت وشاورما المحلات ظالمة جدا للامهات لأن مفيش ام عندها سيخ شاورما فى البيت :D، لكن ياريت الأمهات يتفهموا الموضوع ده وميضغطوش علينا بسؤال ” انهى أحلى الشاورما اللى بعملها ولا اللى بتشتريها”!

لو عايزين تطلبوا شاورما من احسن محلات شاورما فى القاهرة ادخلوا هنا : http://goo.gl/i0vQTZ

طبعا احنا مش قصدنا ان الامهات مبيعرفوش يعملوا أكل لأن فى أكلات تانية عمرك ما هتاكلها بطعامة وحلاوة الطريقة اللى ست الكل بتعملها بيها .. النفس الامهاتى بيظهر جدا فى حاجات زى المحشى والحمام و الملوخية وصنية البطاطس فى الفرن بالفراخ وحاجات كتير اكل الشارع مش هيوصل لنفس الامهات فيها، احكولنا تجاربكوا مع امهاتكم بالنسبة للأكلات اللى مش بيعرفوا يعملوها زى الشارع :D.

3

Article Written By ahmed

1 Comments

Leave a Reply

Share this story