Loading...

الحب فى زمن البيتزا

الحب فى زمن البيتزا

العلاقة بين الأكيلة و البيتزا هى علاقة حب عميقة مش مجرد علاقة بنى آدم بأكلة عايز ياكلها، بتلاقى دايما الاكيل بيغير على البيتزا بتاعته ومبيديش منها حد .. وبيقلق لما تتأخر عليه .. ولو بردت شوية بيكون متضايق عليها، دى حاجات مبيعملهاش غير الحبيبة <3. زى ما الاسطورة بتقول ان اللى بيحب حد بيبقى عايز يعرف عنه كل حاجة .. وانا النهاردة قررت أعمل زى ما كل الحبيبة بيعملوا، قررت اعرف كل حاجة عن البيتزا  .. اصلها ايه و ليه الناس بتحبها  اوى كده وكل حاجة عنها.

المقالة دى مناسبة لكل أكيل بيحب البيتزا اوى زيى وبيهتم بيها .. وزى مانتوا عارفين الاهتمام بالبيتزا مبيتطلبش 😀

7

أصل البيتزا :

برغم ان البيتزا مرتبطة دايما بالإيطاليين لكن الحقيقة ان اصل البيتزا و مصدرها هو المصريين!

أيوه يا جماعة المصريين صحاب فضل على كروش العالم كله بأنهم اول ناس كانوا سبب فى ظهور البيتزا من خلال العيش المصرى المسطح واللى بيسميه الايطاليين فوكاتشا وبعد كده الايطاليين خدوا العيش ده وطوروه وضافوله طماطم و موتزاريلا وريحان فا اتحولت مع الزمن للبيتزا اللى نعرفها دلوقتى.

1

ليه الناس بتحب البيتزا اوى كده ؟ 

لما جيت ادور فى الموضوع ده لقيت ان فى دراسات معمولة و احصائيات و أسباب علمية وليلة كبيرة بس انا لقيت ان الموضوع أبسط من كل ده .. البيتزا بصراحة بتتحب من غير أسباب!

3

تخيل كده مثلا لو انت متضايق و طلبت بيتزا سوبر سوبريم هل هتفضل متضايق؟ بتحس كده انها بتديك حضن <3، او مثلا تخيل انك مروح البيت تعبان بعد يوم شغل طويل وروحت لقيتهم طالبين بيتزا فى البيت .. مجرد تخيل الموضوع فرحنى والله :D.

12

ده غير ان البيتزا مناسبة لكل الناس ومفيش خلاف عليها

بتحب اللحوم ؟ هتاكل بيتزا .. بتحب السمك ؟ هتاكل بيتزا .. بتحب الفراخ؟ هتاكل بيتزا .. بتحب الجبن؟ هتاكل بيتزا .. بتحب الخضروات؟ هتاكل بيتزا برضه 😀

بتحب تاكل لوحدك؟ هتاكل بيتزا ..  بتحب تشارك صحابك؟ برضه بيتزا يا جماعة من غير تفكير 😀

وكمان البيتزا دايما بتكون مرتبطة بمناسبات سعيدة .. خروجة حلوة .. عيد ميلاد .. سفرية رايقة .. مصيف وبحر .. شتا ومطره .. كل حاجة حلوة هتلاقى ينفع فيها بيتزا 😀

10

فى الاخر لازم كلنا نبقى عارفين ان البيتزا من شيم المحبين وان اللى ملوش خير فى البيتزا ملوش خير فى حد 😀

عشان كده جمعنالكوا أكتر من  60  مطعم بيتزا فى القاهرة تقدروا تطلبوا منهم البيتزا اللى تظبط مزاجكوا وتدلع كرشكوا من هنا : http://goo.gl/uAxAfi

1

Article Written By ahmed

Leave a Reply

Share this story